قال الباحث في علم الإجتماع معاذ بن نصير في تدوينة له على الفايسبوك:
“أحنا تو ماشين نحو انفجار اجتماعي و احتقان كبير ، اذا لم يتم ايقاف التجمهر لتلقي الاعانات وكل ماهو مربوط بالازدحام و الاكتظاظ، باش نلقاو رواحنا قدام كارثة و نكتشفوها بالارقام في اواخر شهر شهر افريل و بالطريقة هاذي كونوا متأكدين انو الحجر الصحي باش يتواصل الى منتصف شهر جويلية !!!
الشعب باش يجوع و هكاكة باش نعيشو برشا انفلاتات واحتقانات في الافق وباش يرافقها بالطبيعة برشا عمليات براكاجات ونهب و سرقة للمحلات التجارية و مش هكاكة و كهو باش نوليو مناش بمأمن في ديارنا ونعيشو انفلاتات امنيّة و ارتفاع كبير لمعدل الجريمة !!!
الوضع صعيب تو و باش يزيد يتعقد أكثر و أكثر كل نهار و حد ما ينجم يلقى حل للتجمهر حول الاعانات، الجيش لازم يكون موجود و يفض هالتجمعات الكبيرة و ينظم التجمهرات قدام المراكز الاجتماعية …”
