أعلن فوج الكشافة بالشيحية إنه بداية من يوم غد الخميس 26 مارس 2020 سينطلق الفوج في تلقي طلبات المواطنين من مواد غذائية ومواد تنظيف عبر الهاتف ثم يقومون بالشراء والتسليم لصاحبها في مبادرة تطوعية بادر بها هؤلاء الشباب من باب المسؤولية وخدمة الوطن. وإليكم البلاغ بالتفاصيل:
“انطلاقا من واجبنا نحو الآخرين مبادرة تطوعية من شباب فوج الكشافة بالشيحية اتصل بينا نقضيولك قضيات الدار من مواد غذائية ومواد تنظيف ونوصلوهملك لقدام بابك.
اتصل بواحد من الارقام يجاوبوكم القادة و ياخذو الكومند بعد نقضيو ونجيبولكم القضية للدار. تخلصو قضيتكم بنفس سوم العطار وأحنا ناخذو من عندكم دعوة الخير والتبسيمة.
الاتصال : من الساعة 9 صباحا إلى منتصف النهار.
التوصيل يكون بين الثلاثة والخمسة متع العشية.
ريتو الدنيا ..شفتو و شفنا ..عاونا و نستناوكم تعاونوا
رانا بيكم تتحقق وحدتنا و لحمتنا
على خاتركم عزاز علينا ..و الثقة تملى مالينا
ما غير ما تخرج من دارك ..و تمشي لعطارك
أحنا نجيبوها ليك ..القضية بين يديك
أما الخلاص عليك
كانك كبير ..ضرير ..و لا محتاج و لا حتى صغير
كشافتنا بلحمة مع بلديتنا الي تنور شيحيتنا
شد دارك أعمل الي عليك و قضيتك تجيك”
